જરા આ ખેલને સમજો, છે સંવિધાન ખતરામાં.
નજીવી વાત પર લોકો અહીં શસ્ત્રો ઉપાડે છે,
ભસે જો કોઈ દિલ્લીમાં, કે છે શ્રીરામ ખતરામાં.
ઘણાનું વૉટ્સૅપ ઉપર છે એકજ કામ પરમેનન્ટ -
'જરા ચેતો! જરા ચેતો! છે હિન્દુસ્તાન ખતરામાં!'
કહો છો સંત ખુદને, ને લડો છો ગેંગસ્ટર માફક?
તમારા કારણે છે સંતતાની આન ખતરામાં.
કર્યો છે તેં નશો સસ્તો, અરે, ઓ મૂર્ખ, અજ્ઞાની!
તને સાચે જ લાગે છે, કે છે ભગવાન ખતરામાં!?
ધરમના નામ પર ધંધો, ને તુચ્છી વાત પર ફતવો,
આ કુંઠિત માનસિકતાથી તો છે ઈન્સાન ખતરામાં.
બને જ્યાં 'ઈન્ટલેક્ટુઅલ' શબદ પણ ગાળનો પર્યાય,
રહે ત્યાં જ્ઞાન, ને વિજ્ઞાન, હર વિદ્વાન ખતરામાં.
~ દેવાંગ પરીખ 'રસિક'
No comments:
Post a Comment